السلام عليكم
خوتي حبابي واش راكم ؟ إن شاء الله بخير
بغيت اليوم نحكي
على التيليفون اللي دا لقلوب و هرب لعقول
نبدا وحدة وحدة
,,,, رانا نشوفو فليفامي ماولاوش كي بكري يطلو على بعضاهم
و يباتو و لا على
الأقل يتغداو و يروحو .. لالا ليوم و لات ( ألو واش راكم )
تلقى فامي ما
بيناتهمش غير كيلوات
تلقاهم ليهم قرن
ما تشاوفوش مي عادي ما دام ( بيناتنا التيليفون )
و مبعد كي تتحتم و
يتلاقاو في عرس و لا حاجة تلقاهم ( يااا ولدك كبر ) !!
كيفاش ما يكبرش و
نتوم ليكم 5 سنين ما شفتوهش ..
نقطة واحد أخرى و
اللي على جالها حليت السوجي :
الحنون و الحنونة
اللي ولاو H24 مبرونشيين بريزو و الكل يتكلم //
يتسناو غير فLes
bonus هاذي تاع 500Da و هاذا تاع 200Da
المهم من ال12 و
طلع الرقاد ما كانش ,, و المشكل الهدرة اللي دور راهي تعيي
و حسب إحصائيات
موبيليس و جيزي و نجمة ( لي جامي لا صراو )
قالو بلي الكلمة
اللي تكررت بزاف هي ( أيوااه كاش جديد واش تحكي ؟ )
يعني لهاذي
الدرجة فارغين شغل و ماناش لاقيين واش نديرو
مبدلين النهار
بليل و علاش ؟ علاجال باش يقول كاش جديد توحشتك ,, واش تحكي
المهم واش نقولكم
ربي يدوم التيليفونات و الفليكسي و ديما ديما بيبيلي نعاودلك
تهلاو .
