حكايتي مع جارتنا

سلام عليكم ورحمة الله تعالى وبركاته
واش راكم خوتي سيغ راكم خير مني ربي يدومها لكم قولو على الاقل أمين
المهم نبداو في لحكاية ,حنا في الكرتي عندنا واحد الطفلة ملي يطلع النهار وهي حاطة هذاك الخيمار على راسها ومن دار لدار بسلامتها متتعبش من دار فولانة لدار طاطا فلانة ما يفوتها والو في الكرتي تقول عليها الجزيرة هذا الكل مايهمش ربي يسهل عليها انا اللي مهبلني انها كل يوم تبونثي عندي وتبدا تحكي في حياة الناس تقول سمعت بيا فارغة شغل أي تكسرلي راسي تبدا من الدار اللولة في الكرتي بسم الله هذيك تقابطة مع راجلها الشح فيها تستاهل لهذيك مرا خسارة فيها هذيك الدار وهذاك الراجل ولخرا راهي راح تتخطب كل يوم وهي تهوم كيفاه متتزوجش لبنات الفايقات كيضيعوش الوقت أو حتى اللي رايح يخطبها تعرفو وين يسكن واش يخدم أيما راسي يتكسر نشوف معاها ونقول وقتاه برك تسكت وتروح ونتهنى
ودرك سؤالي ليكم واش رايكم في الناس اللي تدخلوهم لداركم ومن بعد يبداو ينشرو في اخباركم
وهذي الفئة من الناس ممكن تتخلى ع لى العادة هذي وانا واش نعمل مع الطفلة هاذي قولولي
أيا درك نخليكم يخي مطولتش عليكم وكان وجعكم راسكم عصبوه بكاش محرمة خاطر هذي راهي غير البداية ومازال مازال

ههههههههههههههههههههههههههههههههه
والله كان نتي عندك جارتك أنا بنت عمتي
نقولك واش ديريلها
قوليلها ماتزيديش تحكيلي والو يرحم باباك
ماتزيدش كل تدخل لداركم
ههههههههههههههههههههههه الله يكون في عونك

شكراااااا حنونتي على مرورك العطر وعلى النصيحة بصح اللي كيفها اهدري ولا متهدريش
شكرااااااااااااااااااااااااا على النصيحة

ادا كانت صح صامطة فوق اللازم ما دخلهاش كامل لداركم
اماادا كانت عليتها هكداك
فيال اشري الجار بل ما تشري الدار
هدا هو رأيي

شكراااااا مريم على المرور نورتي الموضوع
أنا تاني قولت ليما هيا نبيعو الدار ونرحلو محبتش هههههههههههههههههههه

مشكورة على الموضوع و شكرا على النصيحة الغالية

شكراااا أخي basbas على المرور العطر نورتي الموضوع , اما على جارتنا راني من اللي نوض نصلي ندعي ربي يجي كاش واحد ويهنينا وتبالي الدعوة قريب تستجاب ابعتهولها تعمل فيا مزية

أختيsessa شكرااا على المرور العطر

العفو