السلام عليكم ...
هدي قصة تع واحد حبيبي اسمو مراد شومور مسكين مايكسب غير 2 ولا 3 غوارا "أل أم" في نهار
على لسانو قالي وحد النهار جا بابا رافد القضية وقالي راني لقيتلك خدمة في وزين تع الحديد غدوا أضرب دورة و حوس على سيد أحمد يتهلا فيك.. قتلو معيش غدوة نروح ... غدوة منداك نضت الصباح على غير العادة عدلت روحي بيانستيكي وشربت قهوتي مع يما و خرجت ألفراك معنديش في الجيب رحت آبيي (برجلية)... المهم دخلت لقيت واحد لابس كوستيم كرافتا و شايب باين لمعلم قتلو أنا جديد بعثني ليك الرشيد على الخدمة ...قالي أمشي علييا أعععع بدا يعيط و يسب و يخبط في حنكو ... أنا شفتو يدير هكك و نديماري بالضحك هههههه... شافني نضحك توسوس عيط للعساسين : خرجوه خرجوه عليا ... المهم خرجت منيرفي رحت ديركت لدار ...شافني بابا قالي وشبيك ...حكيتلو وش صرا ... حكم التيليفون عيط لسيداحمد هدر معاه ... و أنا عاودت وليت على وجه بابا دخلت كي سراق و لي نلقاه قدامي نسقسيه على سيدأحمد يقولي راه لفوق راه لتحت راه فوق سطح راه في تواليت ...و بصدفة لقيتو من 8 حتى 10 يعني بعد 2 سوايع وش قالي قالي : آآآو هدا مين باش سرحولك تجي؟؟؟ قالي راسي أجبد عليه بدماغ بصح لعنت الشيطان و مشيت معاه داني للبيرو تع مول الكوستيمة الشايب كان قاعد يضحك معاه سكريتيرا في العشرينات قالي سيد احمد ريح لهنا ضك ندفعلك دوسي ونجي ... و رفد راسو هداك الشايب و شافني وجهو تبدل بدا يعيط و يسب و انا ساكت .. حتان عاود ولى سيد أحمد ...كي شاف سيد أحمد يهدر معايا سكت و دنى لهديك السكريتيرة و قعد خطرا يعكر فيا خطرة يداصر فيها... هنايا نضت قطعت قاع لورق تع الدوسي و خرجت قلت لوكان نبقى علابالي يشريهالي أنايا دمي سخون ألور راهي ليهم مدام صحاب لكروش مزال مشبعوش
الله يهدي ماخلق
